News News ચૂંટણી પંચ શહેરોમાં મતદાન પ્રત્યે ઉદાસિનતાથી ચિંતિત
કારણો અંગે ચૂંટણી કમિશનર તપાસ કરશે
દેશના શહેરી વિસ્તારોમાં મતદાન પ્રત્યે લોકોમાં રહેલી ઉદાસિનતા અંગે ચૂંટણી પંચે ચિંતા વ્યકત કરતા તેના કારણો અંગે તપાસ કરવાનો નિર્ણય કર્યો છે. ચૂંટણી કમિશનર ડો.એસ.વાય.કુરેશીના અનુસાર શહેરના લોકોમાં મત ન આપવાની પ્રવૃત્તિના કારણે દુનિયાની સૌથી મોટી લોકશાહી ભારતમાં ચૂંટણી પ્રક્રિયા અંગે સવાલ ઉઠવા લાગ્યા છે, જે સારી વાત નથી.
‘ભાસ્કર’ સાથેની ખાસ વાતચીતમાં કુરેશીએ જણાવ્યું કે, મતદાન પ્રત્યે શહેરી વર્ગની અરુચિ અંગે આપવામાં આવતી દલીલો સાથે તેઓ સહમત નથી. કેટલીક વખત તો શહેરોમાં ફકત ૩૦ ટકા જેટલું મતદાન થાય છે, જેના કારણે ૧૫થી ૨૦ ટકા મત મેળવનારો ઉમેદવાર પણ લોકસભા કે વિધાનસભામાં પહોંચી જાય છે.
આમ છતાં, કુરેશીએ મતદાનને અનિવાર્ય બનાવવાને અંતિમ વિકલ્પ સ્વીકાર્યોનથી. તેમણે જણાવ્યું કે, ઓસ્ટ્રેલિયા અને આજેન્ટિના જેવા દેશોમાં તો મત ન આપવા પર જેલ કે દંડની વ્યવસ્થા છે, પરંતુ ૭૧ કરોડ કરતાં વધુ મતદારો ધરાવતા ભારતમાં આ સૂચન ઉપર્યુકત નથી. આટલા મોટા દેશમાં મત ન આપનારા કરોડો લોકોને ગુનેગારની શ્રેણીમાં મૂકવા યોગ્ય નથી.
ડો. કુરેશી શહેરી મઘ્યમ વર્ગની સુવિધા માટે ઇ-મતદાન લાગુ કરવાના પક્ષમાં પણ નથી. તેમણે જણાવ્યું કે, ભારતમાં ઇ-મતદાન પદ્ધતિ લાગુ કરવી હજુ દૂરની વાત છે. તેનો ફાયદો ઓછો અને નિષ્પક્ષતા અંગે સવાલ વધુ છે. તેમણે સવાલ કર્યોકે, પેન્ટાગોન સહિત કેટલાય દેશોના સંરક્ષણ મંત્રાલયો તથા બેન્કોની ગુપ્ત ફાઇલો ઇન્ટરનેટની મદદથી હેક કરી લેવામાં આવે છે.
ત્યારે ઇ-મતદાનની નિષ્પક્ષતા કેવી રીતે સુનિશ્ચિત કરી શકાય. તેમણે જણાવ્યું કે, મતદાન પ્રત્યે લોકોને જાગૃત કરવા માટે તેમના વિચારોમાં પરિવર્તન લાવવું જરૂરી છે. મીડિયા, રાજકીય પક્ષો અને સ્વયંસેવી સંસ્થાઓ ‘પપ્પુ’ તથા ‘જાગો રે’ જેવા જાગૃતિ અભિયાન ચલાવીને આ અભિયાન કરી શકે છે.
ચૂંટણી સર્વેને મંજૂરી નહીં :
ડો. કુરેશીએ જણાવ્યું કે, ચૂંટણી સર્વેક્ષણોને નિષ્પક્ષ માની શકાય નહીં. એક ટીવી ચેનલના કાર્યક્રમમાં ભાગ લેતા કુરેશીએ જણાવ્યું કે, આવા સર્વેક્ષણોને મંજૂરી આપવી જોઇએ નહીં. આ મામલો હાલ સુપ્રીમ કોટર્માં વિચારાધીન છે.
- આજે સરકાર રચવા દાવો કરાશે
- લોકસભામાં યુપીએનું સંખ્યાબળ ૩૧૪
- લાલુપ્રસાદની સુરક્ષા કરતા રેલવેના જવાનોને હટાવાયા
- લાલુ-અજીતને સરકારથી દૂર રાખવા કોંગ્રેસમાં માગણી
- છેલ્લા ૨૦ વર્ષ દરમિયાન ૧૦મી ગઠબંધનની સરકાર
- ચૂંટણી પંચ શહેરોમાં મતદાન પ્રત્યે ઉદાસિનતાથી ચિંતિત
- પ્રથમ દિવસથી જ પ્રધાનોના હાથમાં કામ હશે
- અડવાણી વિપક્ષના નેતાપદે ચાલુ રહેશે
- આજે સરકાર રચવા નિમંત્રણ પ્રધાનપદ માટેની હોડ તેજ
- ભાવિ વ્યૂહરચના માટે ભાજપના નેતાઓની બેઠક
- મમતાએ યુપીએને લેખિતમાં ટેકો આપ્યો
- ચૂંટણી ધબડકા માટે કરાત, બુદ્ધદેવ પર દોષનો ટોપલો નહીં
- રાહુલને પક્ષમાં મોટી ભૂમિકા આપવા અંગે વિચારણા
- યુપીએના ચૂંટણીપૂર્વેના તમામ સાથી પક્ષોની બુધવારે બેઠક
- જરૂર ના હોય તો અમે વિપક્ષમાં બેસવા તૈયાર છીએ : મુલાયમ
- ૧૫મી લોકસભામાં કરોડપતિ સાંસદોની ભરમાર
- ડીએમકેને મંત્રીમંડળમાં વધુ હોદ્દા જોઈએ છે
- પ્રજાએ આપ્યો ‘હાથ’ને ‘સાથ’