News News અડવાણી વિપક્ષના નેતાપદે ચાલુ રહેશે
રાજનાથે અડવાણીને મનાવી લીધા
ભાજપના નેતા એલ.કે.અડવાણી લોકસભામાં વિરોધપક્ષના નેતા તરીકે ચાલુ રહેશે. પક્ષના વડા રાજનાથસિંહે સોમવારે ઉપર મુજબની જાહેરાત કરતાં ચૂંટણીમાં પક્ષને મળેલી શિકસ્ત બાદ અડવાણીની ભૂમિકા વિષે થઇ રહેલી ધારણાઓનો આ રીતે અંત આવ્યો હતો.
રાજનાથસિંહે જણાવ્યું હતું કે લોકસભાની ચૂંટણીમાં પક્ષની પીછેહઠ થઇ હોવાના સંજોગોમાં ભવિષ્યના પડકારોને પહોંચી વળવા પક્ષના પુન:નિર્માણની આવશ્યકતા છે, આ સંજોગોમાં હોદ્દા પર ચાલુ રહેવા થયેલા સૂચનનો અડવાણીએ સ્વીકાર કર્યો હતો.
રાજનાથે જણાવ્યું હતું કે અડવાણીની નેતાગીરી અને માર્ગદર્શનની આવશ્યકતા છે. તેથી જ ૧૫મી લોકસભાના વિરોધપક્ષના નેતા તરીકે તેમને ચાલુ રહેવા કહેવામાં આવ્યું છે.
ચૂંટણી પરિણામોમાં એનડીએ જૂથ યુપીએથી પાછળ રહી જતાં ૮૧ વર્ષની વયે પહોંચેલા અડવાણીએ શનિવારે ભાજપ સંસદીય બોર્ડની બેઠકમાં વિરોધપક્ષના નેતા તરીકે નવા નેતાની ચૂંટણી કરવા પ્રસ્તાવ મૂક્યો હતો. સંસદીય સમિતિની બેઠકે જો કે આ દરખાસ્ત માની નહતી અને રાજનાથને અડવાણીને મનાવવાની જવાબદારી સોંપવામાં આવી હતી.
એનડીએમાં ભંગાણ : બેઠક રદ થઇ
એનડીએ શાસિત રાજયોના મુખ્યપ્રધાનો સહિત એનડીએ નેતાઓની આજે સાંજે મળનારી બેઠક રદ થઇ છે. કેટલાક નેતાઓએ બેઠકમાં હાજર રહેવા અક્ષમતા જાહેર કરતાં બેઠક રદ કરવામાં આવી છે.
બેઠકમાં એનડીએ શાસિત રાજ્યો- અર્થાત પંજાબના પ્રકાશસિંહ બાદલ અને બિહારના મુખ્યપ્રધાન નીતીશકુમાર પણ બેઠકમાં હાજર રહેવાના હતા. બેઠકમાં એનડીએના ઘટકપક્ષો જનતા દળ(યુ), શિવસેના , આઇએનએલડી , આરએલડી , અકાલી દળ , એજીપી , ટીઆરએસના પ્રતિનિધિઓ પણ બેઠકમાં હાજર રહેવાના હતા.
- આજે સરકાર રચવા દાવો કરાશે
- લોકસભામાં યુપીએનું સંખ્યાબળ ૩૧૪
- લાલુપ્રસાદની સુરક્ષા કરતા રેલવેના જવાનોને હટાવાયા
- લાલુ-અજીતને સરકારથી દૂર રાખવા કોંગ્રેસમાં માગણી
- છેલ્લા ૨૦ વર્ષ દરમિયાન ૧૦મી ગઠબંધનની સરકાર
- ચૂંટણી પંચ શહેરોમાં મતદાન પ્રત્યે ઉદાસિનતાથી ચિંતિત
- પ્રથમ દિવસથી જ પ્રધાનોના હાથમાં કામ હશે
- અડવાણી વિપક્ષના નેતાપદે ચાલુ રહેશે
- આજે સરકાર રચવા નિમંત્રણ પ્રધાનપદ માટેની હોડ તેજ
- ભાવિ વ્યૂહરચના માટે ભાજપના નેતાઓની બેઠક
- મમતાએ યુપીએને લેખિતમાં ટેકો આપ્યો
- ચૂંટણી ધબડકા માટે કરાત, બુદ્ધદેવ પર દોષનો ટોપલો નહીં
- રાહુલને પક્ષમાં મોટી ભૂમિકા આપવા અંગે વિચારણા
- યુપીએના ચૂંટણીપૂર્વેના તમામ સાથી પક્ષોની બુધવારે બેઠક
- જરૂર ના હોય તો અમે વિપક્ષમાં બેસવા તૈયાર છીએ : મુલાયમ
- ૧૫મી લોકસભામાં કરોડપતિ સાંસદોની ભરમાર
- ડીએમકેને મંત્રીમંડળમાં વધુ હોદ્દા જોઈએ છે
- પ્રજાએ આપ્યો ‘હાથ’ને ‘સાથ’