News News મમતાએ યુપીએને લેખિતમાં ટેકો આપ્યો
મંત્રીપદની લાલચ નથી, પ્રજાના હિત માટે કાર્ય કરીશું : મમતા
તૃણમૂલ કોંગ્રેસ સંસદીય પક્ષે સોમવારે તેના નેતા તરીકે મમતા બેનરજીને સર્વાનુમતે ચૂંટી કાઢયા છે અને કેન્દ્ર ખાતેની કોંગ્રેસ આગેવાની હેઠળની યુપીએ સરકારને તેનો ટેકો આપવાનું વચન આપ્યું છે. જ્યારે નવા ચૂંટાયેલા સાંસદો સુલતાન અહેમદ અને ગોવિંદાચંદ્ર નાસ્કર તૃણમૂલ સંસદીય પક્ષના નાયબ નેતા તરીકે સર્વાનુમતે ચૂંટાયા છે.
તૃણમૂલ કોંગ્રેસ સંસદીય પક્ષની બેઠક બાદ આ જાહેરાત કરતાં મમતા બેનરજીએ જણાવ્યું હતું કે યુપીએ સરકારને ટેકો આપતો ઠરાવ પસાર કરાયો છે. જે રાષ્ટ્રપતિ પ્રતિભા પાટિલને મોકલવામાં આવશે.
સોમવારની રાતે પક્ષના મહામંત્રી અને રાજ્યસભાના સાંસદ મુકુલ રોય આ ઠરાવ લઇને રાષ્ટ્રપતિ પાસે જશે. પોતાના પક્ષ કયા ખાતાનું મંત્રીપદ ઇચ્છે છે તે સંદર્ભેના એક પ્રશ્નના ઉત્તરમાં મમતા બેનરજીએ જણાવ્યું હતું કે અમને કયું મંત્રાલય જોઇએ છીએ તે અંગે વાતચીત કરવાની જરૂર નથી. અમે કોઇની સમક્ષ કોઇ માગણી કરી નથી.
બંગાણી વાઘણની ઉપમા મેળવી ચૂકેલાં આ નેતાએ જણાવ્યું હતું કે તણમૂલ કોંગ્રેસ કોઇપણ પ્રકારનું ‘બાર્ગેનિંગ’ કરશે નહીં. લોકોના માટે શું સારું છે તે અમે કરીશું. તૃણમૂલ કોંગ્રેસ સંસદીય પક્ષની બેઠકમાં પક્ષના નવા ચૂંટાયેલા તમામ ૧૯ સાંસદ ઉપરાંત રોય અને સ્વપન સાધન બોઝ આ બન્ને રાજ્યસભાના સભ્ય પણ ઉપસ્થિત રહ્યાં હતા.
- આજે સરકાર રચવા દાવો કરાશે
- લોકસભામાં યુપીએનું સંખ્યાબળ ૩૧૪
- લાલુપ્રસાદની સુરક્ષા કરતા રેલવેના જવાનોને હટાવાયા
- લાલુ-અજીતને સરકારથી દૂર રાખવા કોંગ્રેસમાં માગણી
- છેલ્લા ૨૦ વર્ષ દરમિયાન ૧૦મી ગઠબંધનની સરકાર
- ચૂંટણી પંચ શહેરોમાં મતદાન પ્રત્યે ઉદાસિનતાથી ચિંતિત
- પ્રથમ દિવસથી જ પ્રધાનોના હાથમાં કામ હશે
- અડવાણી વિપક્ષના નેતાપદે ચાલુ રહેશે
- આજે સરકાર રચવા નિમંત્રણ પ્રધાનપદ માટેની હોડ તેજ
- ભાવિ વ્યૂહરચના માટે ભાજપના નેતાઓની બેઠક
- મમતાએ યુપીએને લેખિતમાં ટેકો આપ્યો
- ચૂંટણી ધબડકા માટે કરાત, બુદ્ધદેવ પર દોષનો ટોપલો નહીં
- રાહુલને પક્ષમાં મોટી ભૂમિકા આપવા અંગે વિચારણા
- યુપીએના ચૂંટણીપૂર્વેના તમામ સાથી પક્ષોની બુધવારે બેઠક
- જરૂર ના હોય તો અમે વિપક્ષમાં બેસવા તૈયાર છીએ : મુલાયમ
- ૧૫મી લોકસભામાં કરોડપતિ સાંસદોની ભરમાર
- ડીએમકેને મંત્રીમંડળમાં વધુ હોદ્દા જોઈએ છે
- પ્રજાએ આપ્યો ‘હાથ’ને ‘સાથ’