News News ચૂંટણી ધબડકા માટે કરાત, બુદ્ધદેવ પર દોષનો ટોપલો નહીં
પોલિટ બ્યૂરોની બેઠકમાં બુદ્ધદેવ ગેરહાજર રહ્યાં
સીપીએમએ ૧૯૬૪માં પક્ષની રચના થઇ ત્યારથી અત્યારસુધીના સમયની સૌથી મોટી પીછેહઠ કર્યા બાદ ચૂંટણી પરિણામોની સમીક્ષા કરવા મળેલી બેઠકે દોષનો ટોપલો મહામંત્રી કરાત અને મુખ્યપ્રધાન બુદ્ધદેવ પર ઢોળી દેવાનો ઇનકાર કર્યો હતો.
‘કરાતના રાજીનામાનો કોઇ પ્રશ્ન નથી’
મુખ્યપ્રધાન બુદ્ધદેવ ભટ્ટાચાર્યએ પદ છોડવા કરેલી ઓફર વરચે પોલિટ બ્યૂરોની બેઠકમાં પણ તેઓ ગેરહાજર રહ્યાં હતા. આમ તો અહેવાલ એવા પણ હતા કે પોલિટ બ્યૂરોની બેઠકમાં કરાત માટે બધા ધાર કાઢીને જ બેઠા હશે પરંતુ બેઠકમાં એક સૂરે કહેવામાં આવ્યું હતું કે કરાત દ્વારા મહામંત્રી પ૦ છોડવાનો કોઇ સવાલ જ નથી.
બેઠક બાદ વરિષ્ઠ ડાબેરી નેતા માણિક સરકારે જણાવ્યું હતું કે કરાતના રાજીનામાનો કોઇ પ્રશ્ન જ નથી. તો ચૂંટણીમાં પરાજયની જવાબદારી લેતાં બુદ્ધદેવ મુખ્યમંત્રીપદ છોડવા જઇ રહ્યાં છે તે મુજબના અહેવાલોને પણ તેમણે નકારી કાઢયા હતા.
લોકોએ ડાબેરીઓની ઔધોગિકીકરણની નીતિને ફગાવી દીધી છે? એ મુજબ પુછાતાં નિરૂપમ સેને જણાવ્યું હતું કે ‘મને નથી લાગતું કે લોકો ઔધોગિકીકરણના વિરોધી હોય. આ રાષ્ટ્રીય ચૂંટણી હતી અને ચૂંટણી પરિણામ રાજયસ્તરના મુદ્દાઓથી પ્રભાવિત થયા છે. તમામ પક્ષો ઔધોગિકીકરણની વાત કરે છે.
કેન્દ્ર ખાતે સરકાર રચવા જઇ રહેલા લોકોએ પણ ઔધોગિકીકરણની પ્રક્રિયાને આગળ ધપાવવી જોઇએ. પ.બંગાળમાં પણ ઔધોગિકીકરણની પ્રક્રિયા આગળ વધવી જોઇએ. ભારત-અમેરિકા પરમાણુ કરારના મુદ્દે યુપીએને આપેલો ટેકો પાછો ખેંચી લેવાને મુદ્દે પક્ષના વરિષ્ઠ નેતા જયોતિ બાસુની જેમ જ વાંધો જાહેર કરી ચૂકેલા મુખ્યમંત્રી ભટ્ટાચાર્ય રાજયમાં ડાબેરીઓને શિકસ્ત આપતા પરિણામોથી ધૂંધવાયેલા છે.
- આજે સરકાર રચવા દાવો કરાશે
- લોકસભામાં યુપીએનું સંખ્યાબળ ૩૧૪
- લાલુપ્રસાદની સુરક્ષા કરતા રેલવેના જવાનોને હટાવાયા
- લાલુ-અજીતને સરકારથી દૂર રાખવા કોંગ્રેસમાં માગણી
- છેલ્લા ૨૦ વર્ષ દરમિયાન ૧૦મી ગઠબંધનની સરકાર
- ચૂંટણી પંચ શહેરોમાં મતદાન પ્રત્યે ઉદાસિનતાથી ચિંતિત
- પ્રથમ દિવસથી જ પ્રધાનોના હાથમાં કામ હશે
- અડવાણી વિપક્ષના નેતાપદે ચાલુ રહેશે
- આજે સરકાર રચવા નિમંત્રણ પ્રધાનપદ માટેની હોડ તેજ
- ભાવિ વ્યૂહરચના માટે ભાજપના નેતાઓની બેઠક
- મમતાએ યુપીએને લેખિતમાં ટેકો આપ્યો
- ચૂંટણી ધબડકા માટે કરાત, બુદ્ધદેવ પર દોષનો ટોપલો નહીં
- રાહુલને પક્ષમાં મોટી ભૂમિકા આપવા અંગે વિચારણા
- યુપીએના ચૂંટણીપૂર્વેના તમામ સાથી પક્ષોની બુધવારે બેઠક
- જરૂર ના હોય તો અમે વિપક્ષમાં બેસવા તૈયાર છીએ : મુલાયમ
- ૧૫મી લોકસભામાં કરોડપતિ સાંસદોની ભરમાર
- ડીએમકેને મંત્રીમંડળમાં વધુ હોદ્દા જોઈએ છે
- પ્રજાએ આપ્યો ‘હાથ’ને ‘સાથ’