News News વડાપ્રધાન પદ માટે લોકસભાના સભ્યને ડાબેરી સમર્થન : કરાત
વર્તમાનમાં રાજયસભાના સભ્ય એવા મનમોહનસિંઘ સામેનો વ્યૂહ લેતાં માકર્સવાદી નેતા પ્રકાશ કરાતે જણાવ્યું હતું કે ચૂંટણી પરિણામો આવી ગયાં બાદ ડાબેરી પક્ષો વડાપ્રધાનપદ માટે લોકસભાના સભ્ય હોય એવી વ્યકિત પર પસંદગી કળશ ઢોળશે.
પોતે વડાપ્રધાનપદની રેસમાંથી બહાર હોવાની શકયતાને નકારી કાઢતાં કરાતે જણાવ્યું હતું કે ત્રીજો મોરચો સરકાર રચવાની સ્થિતિમાં આવશે તો વડાપ્રધાન પદ માટે યોગ્ય વ્યકિતની પસંદગી કરવામાં આવશે અને ડાબેરીઓએ વર્ષ ૨૦૦૪માં જેમ કોંગ્રેસને સમર્થન આપ્યું હતું તેમ કોંગ્રેસે સમર્થન આપવું પડશે.
એક ટીવી ચેનલને મુલાકાત આપતાં કરાતે જણાવ્યું હતું કે આપણે રાજયસભાના સભ્યને વડાપ્રધાન બનતાં જોયા છે, પરંતુ આ વખતે લોકસભાના સભ્ય વડાપ્રધાન બને તે દિશામાં ચક્રો ગતિમાન થયાં છે. કરાતે જણાવ્યું હતું કે વર્તમાનમાં ડાબેરીઓ તરફથી વડાપ્રધાનપદના કોઇ ઉમેદવાર નથી, ચૂંટણી પછી કોઇ નામ સૂચવવામાં આવે છે કે કેમ? તે જોવામાં આવશે.
ચૂંટણી સંપન્ના થયા પછી જ ત્રીજા મોરચાના વડાપ્રધાનપદના ઉમેદવાર નક્કી થશે. માયાવતી વિરુદ્ધ જયલલિતા ચાલી રહેલી ચર્ચામાં પોતે ઝંપલાવવા માગતાં નથી એમ કહેતાં કરાતે જણાવ્યું હતું કે, અન્નાદ્રમુકના નેતાએ હજી વડાપ્રધાનપદની ઇરછા જાહેર કરી નથી.
એકમાત્ર બસપાએ જ પોતાના નેતાને વડાપ્રધાનપદના ઉમેદવારના રૂપમાં પ્રોજેકટ કર્યા છે. ચંદ્રાબાબુ અને દેવગૌવડા સહિતના ત્રીજા મોરચાના નેતાઓ આ મુદ્દે સ્પષ્ટ છે. અને જયલલિતાએ હજી કોઇ સંકેત આપ્યા નથી.
- આજે સરકાર રચવા દાવો કરાશે
- લોકસભામાં યુપીએનું સંખ્યાબળ ૩૧૪
- લાલુપ્રસાદની સુરક્ષા કરતા રેલવેના જવાનોને હટાવાયા
- લાલુ-અજીતને સરકારથી દૂર રાખવા કોંગ્રેસમાં માગણી
- છેલ્લા ૨૦ વર્ષ દરમિયાન ૧૦મી ગઠબંધનની સરકાર
- ચૂંટણી પંચ શહેરોમાં મતદાન પ્રત્યે ઉદાસિનતાથી ચિંતિત
- પ્રથમ દિવસથી જ પ્રધાનોના હાથમાં કામ હશે
- અડવાણી વિપક્ષના નેતાપદે ચાલુ રહેશે
- આજે સરકાર રચવા નિમંત્રણ પ્રધાનપદ માટેની હોડ તેજ
- ભાવિ વ્યૂહરચના માટે ભાજપના નેતાઓની બેઠક
- મમતાએ યુપીએને લેખિતમાં ટેકો આપ્યો
- ચૂંટણી ધબડકા માટે કરાત, બુદ્ધદેવ પર દોષનો ટોપલો નહીં
- રાહુલને પક્ષમાં મોટી ભૂમિકા આપવા અંગે વિચારણા
- યુપીએના ચૂંટણીપૂર્વેના તમામ સાથી પક્ષોની બુધવારે બેઠક
- જરૂર ના હોય તો અમે વિપક્ષમાં બેસવા તૈયાર છીએ : મુલાયમ
- ૧૫મી લોકસભામાં કરોડપતિ સાંસદોની ભરમાર
- ડીએમકેને મંત્રીમંડળમાં વધુ હોદ્દા જોઈએ છે
- પ્રજાએ આપ્યો ‘હાથ’ને ‘સાથ’